(Bitartekaritza) Hitz egiteko esertzeko aukera eskaintzen diezu, gaitzespenik gabe; arau bat dago: ez dira onartzen errespetu-faltak, irainak… Batzuetan, aldeek ez dute elkarrekin eseri ere egin nahi izaten, eta, hala ere, bitartekaritzara jotzen dute. Kasu horretan bakarkako saioak dira, baina elkarrekin egitea da egokiena. Aztertzen ditugun teknika batzuen bidez, akordio bat lortzen saiatzeko prozesua bideratzen zaie, ez da beti lortzen, baina komunikazioa beste modu batera hasi da. Beste aldeari entzuteko aukera izan dute, ez erantzuteko, ulertzeko baizik. Bitartekaritzan, lehenik eta behin, interesak eta posizioak bereizten irakasten digute. Laranjaren adibidea da: biek nahi dute, baina zertarako? Azkenean konturatzen zara batek zukua egiteko gajoak nahi dituela eta beste batek bizkotxoa egiteko. Puntu horretara iristea da.